It's 2009! Kumusta ngay iti ramrambak dita ayan yo? Last time I checked, our batchmates are all over the world: Philippines, USA (Washington, California, Alaska, Hawaii), Canada (Ontario, Alberta), Europe (Italy), Asia (Hong Kong, Japan), Middle East (UAE) and Australia.
Kas kadawyan ditoy America, nangnangruna ditoy Washington, naulimek iti panagpasarungkar mi iti baro nga tawen. Awan iti paputok, awan met iti ariwawa dagiti ubbing ken tattao nga agpapasyar wenno aglaklako idiay kalsada. Kasano ket kasta la unay met nga lam-ek na!
Siak, ni lakay ko ken dagiti tallo nga annak mi, naimbita nga mapan idiay balay ti gayyem mi nga taga Tarlac. Nagluto iti arroz caldo ken imprito nga tokwa. Adda met pan de sal nga adda Eden cheese na, siopao ken hot and spicy wings. Kusto kusto met nga simmangpet diay maysa met nga pamilya nga nagbakasyon idiay Pangasinan. Adda awit da nga pusit, polvoron ken dadduma pay.
Kabayatan iti kinaadda mi idiay, nagtelepono diay maysa nga kaarruba nga taga Baguio. Adda met sagana da kano ta agbirthday diay innauna nga anak da. Nabsog kamin ngem pinilit mi iti nagbirok iti paggianan dagiti nadumaduma nga makmakan. Kalpasan na, nagtutungtong kami, naggigitara (nangisangpet iti songhits diay gayyem mi - adu nga 80's hits iti kinanta mi), ken nagbuya iti "countdown" idiay Times Square New York.
A las dos pasadon idi nagsisina kami. Lalo nga limmam-ek; nagtinnag manen iti adu nga snow. Kas kam la adda iti uneg iti freezer. Mayat metten nga ramrambak uray no awan iti tapok, tupig ken tinudok nga pusit wenno saba nga kadduana.
Dakayo ngay? Kasano iti panangpasungad yo iti 2009?
Ala ngaruden. Nagrigat gayam iti agsurat iti Ilocano.
Agsasarak koma dagiti dadduma kadatayo itatta nga tawen! Blessings and peace to all!
Subscribe to:
Post Comments (Atom)
No comments:
Post a Comment